संवैधानिक–राजनीतिक संवाद तथा सहमति समितिले संविधानका विवादित अन्तर्वस्तुलाई संविधानसभामा कसरी लैजाने भन्ने बारे सभापति बाबुरामभट्टराईलाई ‘स्वविवेकको अधिकार’ दिएपछि राप्रपा नेपालले आपत्ति जनाएको छ ।

राप्रपा नेपालका प्रमुख सचेतक दिलनाथ गिरीद्वारा जारी फरक मतमा गत ३० असोजको संविधानसभाको बैठकले संविधानका अन्तरवस्तुमा सहमति भए सहमतिका आधारमा र सहमति नभए प्रश्नावलीसहितको प्रतिवेदन पेस गर्न समितिलाई स्पष्ट निर्देशन दिएको उल्लेख छ ।

गिरीका अनुसार सभाले दिएको निर्धारित काम गर्न समिति असफल भएको छ तसर्थ सभाको प्रष्ट निर्देशनअनुरुप प्रतिवेदन पठाइदिनुपर्छ भन्ने राप्रपा नेपालले फरक मत राखेको छ ।

समितिलाई सम्बोधन गरी लेखेको उक्त फरक मत औपचारिकरुपमा दर्ता गरी प्रतिवेदन संलग्न गरी पठाइदिन अनुरोध गरिएको छ ।

यता प्रमुख दलहरुले भने समितिबाट लगिने प्रस्ताव संविधानसभामा छलफल, मतदान, बहस नगर्ने शर्तमा सहमति गरेको बुझिएको छ ।

प्रतिकृया दिनुहोस