पाकिस्तानको सेनाका अनुसार उत्तरपश्चिम पाकिस्तानको अफगान सीमा नजिक दक्षिणी वजिरिस्तानमा गरिएको सैन्य कार्वाहीमा अल कायदा कमान्डर अदनान अल शुक्रिजुमासहित दुई अन्य चरमपन्थीको मृत्यु भएको छ ।

कार्वाहीका क्रममा एक सैनिकको पनि मृत्यु भएको त्यहाँको सेनाले जनाएको छ ।

अमेरिकी अनुसन्धान एजेन्सी एफबीआइका अनुसार शुक्रिजुमा अल कायदाको विश्व अभियानका मुख्य व्यक्ति थिए । यसअघि सेप्टेम्बर २०११ मा अमेरिकामा भएको आक्रमणका ‘मास्टर माइन्ड’ भनिएका खालिद शेख उक्त पदमा थिए ।

साउदी अरबमा जन्मिएका शुक्रिजुमा धेरै वर्ष अमेरिकामा बसेका थिए । पनामा, नर्वे र बेलायतमा भएका आक्रमणका घटनामा पनि उनी संलग्न रहेको अनुमान गरिएको थियो ।

उनीमाथि अमेरिकामा सन् २००९ मा भएको ‘सब वे’ आक्रमणको योजनाकार पनि रहेको आरोप छ ।

एजेन्सी

प्रतिकृया दिनुहोस