बन्दना झा, सर्लाही

सर्लाहीको नवलपुरमा २७ असोजमा भएको पत्रकार भेटघाटमा संविधानसभाको म्याद
बढाएर चार बर्ष पुरयाउनु नै अनैतिक कार्य भएको भन्दै उनले पुनर्जीवित गर्न खोज्नु अवैधानिक हुने पनि दावी गरे ।

यादवले मुलुकलाई निकास दिन तटस्थ व्यक्तिको नेतृत्वमा सरकार गठन गरेर ताजा
जनादेशमा जानु सर्वोत्तम विकल्प भएको धारणा राखे ।  जनताले दुई बर्र्षका लागि चुनेपनि म्याद थपेर चारबर्र्षसम्म संविधान बनाउन नसक्ने संविधानसभा पुनःस्थापना गर्न खोज्नु पूर्णरुपले अनैतिक कार्य हुनेमा उनले जोड दिए ।

अध्यक्ष यादवले मुलुकलाई निकास दिन निर्वाचन बाहेक अर्को विकल्प नभएको भन्दै
निर्वाचनका लागि बाधा अडकाउ फुकाउन दलहरुबीच सहमति आवश्यक रहेको प्रष्ट पारे ।

त्यस्तै  यादवले मधेशीदलहरुबीच एकता हुन नसक्ने पनि बताएका छन् । मधेशका
मुद्दामा मोर्चाबन्दी मात्र हुनसक्ने भन्दै उनले तराई मधेश लोकतान्त्रिक पार्टीसँग एकीकरणको सम्बाद प्रराम्भ भएको लामो समयसम्म पनि प्रगति हुन नसकेको खुलाए ।

उनले वर्तमान सरकारलाई भ्रष्ट र विकृत भइसकेको आरोप लगाउँदे सहमतिका लागि सरकार बाधक रहेको बताए । प्रधानमन्त्री बाबुराम भट्टराईले सरकार छाडेर सहमतिको बाटो खुला गरिदिनुपर्ने उनको भनाइ थियो ।

प्रतिकृया दिनुहोस