असोज अन्तिमसम्ममा सहमतिमा पुग्ने प्रतिबद्धता जनाएका दलहरुले कुनै निकास दिने अवस्था नरहेको अवस्थामा राष्ट्रपतिले कार्तिकको पहिलो हप्तामा दलहरुलाई शितल निवासमा बोलाएर छलफल गर्ने भएका हुन् ।

शितल निवास स्रोतका अनुसार दलहरुलाई छलफलमा राष्ट्रपतिले सहमतिका लागि दलहरुले यसअघि जनाएको प्रतिवद्धता पूरा नगरेकोमा जानकारी लिनेछन् । छलफल कार्तिकको ३ वा ४ गते गर्ने तयारी भएको र दलहरुको संख्या र समय बारे आजै साँझसम्म तय हुने शितल निवास स्रोतले जानकारी दिएको छ ।

राष्ट्रपतिका कानुनी सल्लाहाकार सूर्य ढुङ्गेलले पनि दलहरुलाई छलफलमा बोलाउने तयारी भएको पुष्टि गरेका छन् । ढुङ्गेलले राष्ट्रपतिको चाहाना छिटो निकास होस् भन्ने रहेकाले दलहरुसँग छलफल गर्नुपर्ने आबश्यकता रहेको बताए ।

पछिल्लो पटक सार्वजनिक रुपमै दलहरुलाई सहमति कायम गरी निर्वाचनको मिति र प्रक्रिया तोक्न आग्रह गरेका राष्ट्रपतिले दलहरुलाई अन्तिम चेतावनी दिने बुझिएको छ । राष्ट्रपतिको सार्वजनिक अभिव्यक्तिप्रति प्रधानमन्त्री बाबुराम भट्टराईले भने असन्तुष्टि जनाएका छन् ।

प्रतिकृया दिनुहोस