२७ पुसमा बसेकाे संवैधानिक राजनीतिक सम्वाद तथा सहमति समितिकाे बैठकमा अाेली र गच्छेदार ।

नेकपा एमालेका अध्यक्ष केपी शर्मा ओलीले माफी नमागेसम्म ओली सहभागी कुनै बैठकमा सहभागी नहुने निर्णय गरेको मधेश केन्द्रित दलहरुको मोर्चाका संयोजक विजयकुमार गच्छेदार लगातार बैठकमा सहभागी छन् ।

संवैधानिक राजनीतिक सम्वाद तथा सहमति समिति र संविधानसभाका अध्यक्ष सुवास नेम्वाङले बोलाएको बैठकमा सहभागी गच्छेदार ओलीसँगै बसे ।

मधेश केन्द्रित दलहरु मध्ये ठुलो दल मधेसी जनाधिकार फोरम लोकतान्त्रिकका अध्यक्ष गच्छेदार यसरी सहभागी भएकोमा संयुक्त मधेसी मोर्चाका अन्य दलले विरोध जनाएपछि उनले बाबुरामले बोलाएपछि बैठकमा गएको प्रतिक्रिया दिए ।

तर, यसअघिका बैठकहरुमा एमाओवादी नेताहरुको लाइनमा बस्दै आएका गच्छेदार लगातार ओलीसँगै बसिरहेका छन् । २७ पुसमा बसेको सम्वाद समितिको बैठकमा पनि गच्छेदार ओलीसँगै बसेका थिए ।

तस्वीरहरु अानन्दराम डंगाेल

यो मोर्चाले ओलीले आफ्नो अपमान गरेको भन्दै आपत्ती जनाउँदै माफीको अडान लिदै आएको छ भने ओलीले माफी नमाग्ने बताएका छन् ।

प्रतिकृया दिनुहोस