संविधानसभाभित्र र बाहिरका ३० दलीय माेर्चा बनाएर अान्दाेलन गरिरहेकाे एमाअाेवादीले अाफैंसँग फुटेर बनेकाे नेकपा–माअाेवादी र जनजातिसँग पनि माेर्चाबन्दी गरेकाे छ ।

८ माघ नजिकिदै गएपछि सहमतिमा पहिचानसहितकाे संघीयताका लागि दुई तिहाई मतसहितकाे कांग्रेस र एमालेलाई दबाव दिन भन्दै वैद्य माअाेवादी र पद्मरत्न तुलाधरकाे जनजाति समितिसँग नयाँ माेर्चा बनाएका हुन् । वैद्य माअाेवादीबाट पनि नेत्रविक्रम चन्दले भर्खरै नयाँ पार्टी बनाइसकेकाे छ ।

अादिवासी जनजाति महासंघकाे नेतृत्व कांग्रेस–एमालेकै कार्यकर्ता गरिरहेकाले एमाअाेवादीले तुलाधरलाई संयाेजक बनाएर जनजातिलाई अान्दाेलनमा उतारिरहेकाे छ । याे नयाँ माेर्चा बनाउन दाहाल १ माघ दिनभर लागिपरेका थिए । एमाअाेवादी यसअघि दाेस्राे संविधानसभा निर्वाचनमा नमिठाे हार ब्यहाेराेकाे मधेश केन्द्रित दलहरु र अन्य साना पार्टीहरुसँग माेर्चाबन्दी गरी अान्दाेलन गर्दै अाएकाे छ ।

एमाअाेवादीसहितकाे ३० दलीय मोर्चा, नेकपा–माओवादी र आदिवासी जनजातिको संयुक्त आन्दोलन समन्वय समितिकाे १ माघमा बैठक बनाएर अान्दाेलनलाई निरन्तरता दिएकाे छ । उनीहरुकाे संविधान जारी गर्न पुनः सत्तारुढ दलहरुलाई ध्यानाकर्षण गराएको छ ।

तीनवटै पक्षको संयुक्त बैठकले विगतमा दलहरुबीच भएको १२ बुँदे सहमति, अन्तरिम संविधान, विस्तृत शान्ति सम्झौता र विभिन्न पक्षसँग भएको सम्झौताका आधारमा सबैले मान्ने संविधान जारी गर्नुपर्नेमा जोड दिएको छ ।

संविधान निर्माण प्रक्रियालाई सहजरुपमा अगाडि बढाउनुको साटो बहुमतको आधारमा कांग्रेस र एमाले अगाडि बढ्न खोजेको भन्दै उनीहरुले प्रक्रियाको कुरा नगर्नसमेत पुनः आग्रह गरेका छन् ।

संविधान निर्माण प्रक्रिया नियमित संसद्को काम कारबाही नभएकाले सबैको भावना र चाहनालाई आत्मसात् गर्नुपर्ने, विगतका सहमति तथा सम्झौताको अक्षरसः कार्यान्वयन हुनुपर्नेमा पनि तीन पक्षले सचेत गराएका छन् ।

बैठकले जनपरिचालनलगायतका काम कारबाहीलाई अगाडि बढाउन एक कार्यदलसमेत गठन गरेको छ ।

कार्यदलमा एमाओवादीका महासचिव कृष्णबहादुर महरा, मधेसी जनअधिकार फोरम (लोकतान्त्रिक) का नेता जीतेन्द्र देव, तराई मधेस लोकतान्त्रिक पार्टीका सहअध्यक्ष हृदयेश त्रिपाठी, नेकपा–माओवादीका सचिव देवप्रसाद गुरुङ र प्रवक्ता पम्फा भुसाल, सङ्घीय समाजवादी पार्टीका महासचिव राजेन्द्र श्रेष्ठ, सङ्घीय लोकतान्त्रिक राष्ट्रिय मञ्च (थरुहट) का सभासद् रुक्मिणी चौधरी तथा थरुहट तराई पार्टीका सभासद् गङ्गा चौधरी सदस्य हुनुहुन्छ । कार्यदलमा अन्य सदस्य २ माघमा बस्ने बैठकले थप गर्नेछ ।

बैठकले सहमतिका आधारमा पहिचानसहितको संविधान निर्माणका लागि जनपरिचालन गर्ने निर्णय गरेको पनि जानकारी दिइयो । बैठकपछि सञ्चारकर्मीसँग बोल्दै एमाओवादीका अध्यक्ष पुष्पकमल दाहालले परिवर्तनको प्रक्रिया सङ्कटमा परेकाले सबै परिवर्तनकारी शक्ति एक ठाउँमा गोलबन्द भएको बताए ।

याे पनि, ८ माघ टार्ने एमाअाेवादीकाे तयारी

प्रतिकृया दिनुहोस