चार दलका शीर्ष नेता र सभाध्यक्षको बैठक शुरु

संविधानसभाको बैठक जारी रहेका बेला संविधानसभा अध्यक्षको उपस्थितिमा चार दलका शीर्ष नेताहरुको छुट्टै बैठक शुरु भएको छ ।

२ माघमा १ः ३० बजे नेपाली कांग्रेस, नेकपा एमाले, एमाओवादी र मधेश केन्द्रित नेताहरुबीच पूर्व निर्धारित बैठक संविधानसभा भवनभित्रै सभाध्यक्ष सुवास नेम्वाङको उपस्थितिमा शुरु भएको हो ।

कांग्रेस एमाले लगायतका दलहरुले प्रक्रियाबाट गएरै भए पनि संविधान जारी गर्नु पर्ने अडान लिइरहेको र प्रक्रियाबाट संविधान जारी हुन नदिने एमाओवादी र मधेश केन्द्रित दलहरुले तयारी गरेका बेला अध्यक्ष नेम्वाङले शीर्ष नेताहरुको बैठक बोलाएका हुन् ।

बैठकमा दलहरुबीच सहमतिका लागि र कम्तिमा पनि प्रक्रियाका लागि सहमति जुटाउने अध्यक्ष नेम्वाङको प्रयास रहनेछ ।
सेन्छेलुङ लिम्बु