संविधानका विवादित विषयमा सहमति जुटाउन अन्ति प्रयासस्वरुप भन्दै बसेको चार प्रमुख शक्तिका शिर्ष नेताहरुको बैठक फेरि पनि विना निष्कर्ष टुङ्गगिएको छ ।

संविधानसभा अध्यक्ष सुवास चन्द्र नेम्वाङ्गको पहलमा ३ माघमा भएको बैठकमा विवादित सबै विषयहरुमा छलफल भएको एमाले बरिष्ठ नेता माधवकुमार नेपालले जानकारी दिए ।

उनका अनुसार दलहरुवीच संघीयता बाहेक सबै विषयहरुमा लगभग सहमति भईसकेको छ ।

एमालेका अर्का वरिष्ठ नेता झलनाथ खनालले संघीयताको विषय जटिल बन्दै गईरहेकाले सहमतिको सम्भावना कठिन रहेको बताए ।

नेपाली कांग्रेसका उपसभापति रामचन्द्र पौडेलले एमाओवादी र मधेशवादी दलहरु सहमति गरेर ८ माघमा गते संविधान जारी गर्ने पक्षमा नरहेकोले सहमति हुन नसकेको आरोप लगाए ।

बैठकपछि नेताहरुले बताए अनुसार कांग्रेस एमालेले संघीयतामा लचिलो बन्न एमाओवादीलाई आग्रह गरेका छन् । संघीयतामा लचिलो भए आफूहरुले जस्तोसुकै शासकीय स्वरुप पनि मान्ने कांग्रेस एमालेले बताएका बैठकमा सहभागी एक नेताले जानकारी दिए ।

स्रोतका अनुसार बैठकमा एमाले अध्यक्ष केपी ओलीले ‘जातीय संघीयता छाड्नुहुन्छ भने जेजे भने पनि मान्छौं, तपाईंहरुले भनेजस्तो संविधानमा समर्थन गर्छौं’ भनेका छन् ।

जवाफमा प्रचण्डले १९ दलसँग सल्लाह गर्छु भनेका थिए ।

ओलीले त्यसो भने लगत्तै एमाओवादीको पहलमा उसको गठवन्धनमा आवद्ध १९ दलको बैठक संविधानसभा भवनमा बसेको थियो ।

स्रोतका अनुसार १९ दलमा रहेका मधेशवादी र केही साना दलले आफूहरुले प्रस्ताव गरेको संघीयताको खाका कुनै हालतमा संशोधन गर्न नहुने अडान राखेपछि केही बेरमै १९ दलको बैठक सकिएको थियो ।

प्रतिकृया दिनुहोस