कमलादीमा भएकाे एमालेकाे भेला

नेकपा एमालेका अध्यक्ष केपी शर्मा ओलीले सहमतिबाट पछाडि फर्कने प्रवृत्तिले सहमतिको संविधान आउन नसकेको बताएका छन् ।

काठमाडौंको कमलादीमा भएको बृहत कार्यकर्ता भेलामा ओलीले एमाओवादी अध्यक्ष पुष्पकमल दाहाल सहमतिबाट पछाडि फर्केकाले सहमति जुट्न नसकेको बताए । उनले भने, ‘‘जातजातिलाई उचाल्नेतिर लाग्ने दाहाल संविधान निर्माणप्रति उदासिन देखिए ।’’

कार्यकर्ताको उपस्थितिले उत्साहित बनेका ओलीले सहमतिको संभावना न्यून हुँदै गएको बताए । उनले भने, ‘‘नेवारी भाषामा नचाहिदो कुरा धेरै गर्नेलाई माकफुँई भनिन्छ, हामी माकफुँईसँग डराउदैनौं ।’’

ओलीले एमाओवादी मोर्चालाई बाँदरको संज्ञा दिदै भने, ‘‘बाँदर रुखमा पस्दा हाँगा हल्लिन्छ, तर रुख उखेलिदैन । अहिले त्यस्तै भइरहेको छ तर संविधान बन्छ ।’’

संविधान निर्माणका सवालमा पार्टीभित्र मात्रै नभई अजेण्डा मिल्ने पार्टीहरुसँग पनि एकतावद्ध बनेर अघि बढेको ओलीले बताए । उनले कसैले पनि यो एकतालाई तोड्न नसक्ने बताए ।

जात भनेकाे जागिर हाेइन

लगातार कार्यकर्ताकाे ताली पाइरहेका अाेलीले जात जागिर नभएकाे बताए । उनले भने, “जात भनेकाे जागिर हाे ? भाेक लागेकाे मान्छेलाई जातकाे कुरा गर्नलाई ।”

उनले एमाअाेवादीले जातलाई उद्याेग सम्झेकाे बताए । विदेश गएका युवाहरु जातकाे कुराले नभई अवसरले स्वदेश फर्कने अाेलीले बताए ।

प्रतिकृया दिनुहोस