एमाओवादी नेतृत्वको मोर्चाका प्रभावशाली नेता विजयकुमार गच्छदारले राखेको प्रस्तावमा मोर्चाले नै असहमति जनाएपछि दलहरुबीचको सहमतिको प्रयास असफल भएको छ ।

आजै सहमति गर्ने गरी छलफलमा जुटेका नेपाली कांग्रेस, नेकपा एमाले, एमाओवादी र मधेशकेन्द्रित दलका प्रमुख नेताहरु सहभागी बैठकमा मधेशी जनाधिकार फोरम लोकतान्त्रिकका अध्यक्ष विजयकुमार गच्छदारले निर्वाचन प्रणाली, न्यायप्रणाली र शासकीय स्वरुपमा भएका सहमतिलाई मस्यौदा समितिमा पठाउने तथा संघीयताको विषयमा एक महिनाभित्र सहमति गर्ने गरी संविधानको मस्यौदा जारी गर्ने प्रस्ताव मोर्चाद्वारा नै अस्वीकार गरिएपछि नजिकिएको सहमति टाढिएको हो ।

बैठकमा सहभागी एमाले उपाध्यक्ष भीम रावलले भने, “गच्छदारजीले राखेको प्रस्ताव सकारात्मक रहेकाले त्यसमा सहमति गरौं भनेर हामीले अाग्रह गर्‍यौं, प्रचण्डजीले राजनीतिक वक्तव्य दिएर मात्र जाउँ भन्नुभयो त्यसपछि कुनै सहमति नभई बैठक टुंगियो ।”

उनले सहमति नभएको अवस्थामा अब संविधानसभामा शुरु भएको प्रक्रिया अनुसार नै अघि बढ्ने बताए ।

—————————————————————————————————

प्रतिकृया दिनुहोस