एमाओवादीसहितका मोर्चाले निरन्तर बैठक अवरोध गर्दै आएपछि संविधानसभा अध्यक्ष सुवासचन्द्र नेम्बाङले नै समिति गठनको प्रस्ताव गर्ने भएका छन् । ११ माघमा बस्ने संविधानसभाको ९३औं बैठकको कार्यसूचीमा सभाध्यक्ष आफैले समितिमा रहने सदस्यहरुको नाम प्रस्ताव गरिने उल्लेख छ ।

यसअघिको कार्यसूचीमा कांग्रेस संसदीय दलका प्रमुख सचेतक चिनकाजी श्रेष्ठले समिति गठनको प्रस्ताव गर्ने र एमाले संसदीय दलका प्रमुख सचेतक अग्नी खरेलले समर्थन जनाउने उल्लेख थियो । काँग्रेस र एमालेले आफूहरूसँग सहमति नलिई समिति गठनको प्रस्ताव गर्न लागेको भन्दै एमाओवादी सहितको मोर्चा संविधानसभामा तोडफोडमा उत्रेको थियो ।

प्रतिकृया दिनुहोस