एमाओवादी नेतृत्वको मोर्चाले सहमतिका लागि राजनीतिक वातावरण तयार नभएसम्म सत्तारुढ दलहरु र संविधानसभा अध्यक्षसँग वार्ता नगर्ने निर्णय गरेको छ । संविधानसभामा सभाध्यक्ष सुवास नेम्बाङले प्रस्तुत गरेको प्रस्ताव पारित भएपछि चिढिएको मोर्चाले वार्ता नगर्ने निर्णय गरेको हो ।

११ माघमा बसेको एमाओवादी नेतृत्वको मोर्चाको बैठकको निर्णय सार्वजनिक गर्दै एमाओवादी अध्यक्ष पुष्पकमल दाहालले संविधानसभामा शुरु भएको बहुमतीय प्रक्रियामा सहभागी नहुने स्पष्ट पारे । सत्तारुढ दलहरु र सभाध्यक्षले आफ्नो ‘कदम नसच्याए’ सम्म वार्ता पनि नगर्ने निर्णय गरेको बताए ।

एनले बहुमतीय प्रक्रियामा जाने कदमको विरोध गरे पनि संविधानसभा भने नछाड्ने बताए । उनले सभाध्यक्षविरुद्ध प्रतिकात्मक सभा गर्ने, उनी सहभागी अन्य कार्यक्रमहरु कालो झण्डा देखाउने लगायतका विरोधका कार्यक्रमहरु तय गरिएको जानकारी दिए ।

मोर्चाको १२ माघमा बस्ने बैठकले थप कार्यक्रमहरु तय गर्ने पनि उनको भनाइ छ । संविधानसभाले गठन गरेको प्रस्ताव निर्माण समितिले देशलाई द्वन्द्व र मुठभेड निम्त्याएको मोर्चाको ठहर छ ।

प्रतिकृया दिनुहोस