नेकपा एमाले अध्यक्ष केपी शर्मा ओलीले एमाओवादी लगायतका दल प्रक्रियामा नआए पनि नयाँ संविधान बन्ने बताएका छन् । प्रगतिशील प्राध्यापक सङ्गठनको नयाँ कार्यसमितिको पद हस्तान्तरणका अवसरमा २० माघमा आयोजित कार्यक्रममा उनले संविधान निर्माणका लागि आफ्नो पार्टीले अग्रभागमा रहेर भूमिका खेलिरहेको बताए ।

उनले भने, “प्रक्रिया अघि बढिसकेको छ, अब मुलुकले लोकतान्त्रिक संविधान पाउनेछ, एमालेले त्यसको अगुवाइ गर्नेछ ।”

राष्ट्रिय एकता, मुलुकको समृद्धि, दीगो शान्ति, जातीय सदभाव र सामाजिक रुपान्तरणका आधारमा नयाँ संविधान आउने ओलीको भनाइ छ ।

उनले जातीय पहिचानको राज्य पुनःसंरचना मुलुकका लागि आवश्यक छैन भनेर सामाजिक चेतना फैलाउन प्राध्यापक र बुद्धिजीवीसँग आग्रह गरे ।
रासस

प्रतिकृया दिनुहोस