संविधानसभाका अध्यक्ष सुवास नेम्वाङ विरामी परेपछि पाँच दिनदेखि घरमै आराम गरिरहेका छन् ।

६ फागुनदेखि ज्वरोले सताएका नेम्वाङले संसद् सचिवालयकै चिकित्सकबाट उपचार गराउँदै   घरमा आराम गरिरहेको उनका स्वकिय सचिव बुद्धि खनालले जानकारी दिए । खनालका अनुसार नेम्वाङको स्वास्थ्यसम्बन्धी परीक्षण रिपोर्ट ११ फागुनमा आउने चिकित्सकले बताएका छन् । “त्यसपछि मात्रै के भएको हो एकिन हुनेछ,” खनालले भने ।

२९ माघमा संविधानसभाको बैठक अनिश्चितकालका लागि स्थगित गरे लगत्तै राष्ट्रपति र प्रधानमन्त्रीलाई भेटेका नेम्वाङ विरामी भएपछि अन्य भेटघाट गर्न  सकेका छैनन् ।

यसअघि अध्यक्ष नेम्वाङले ३० दलीय मोर्चाको माग अनुसार दलहरुबीच सहमतिको वातावरण बनाउन भन्दै  संविधानसभाको बैठक स्थगित गरेका थिए  ।

प्रतिकृया दिनुहोस