नेकपा एमालेका नेता शंकर पोखरेलले एमाओवादीको लाठी प्रदर्शनले संविधानसभाको गति नरोकिने बताएका छन् ।

कोहलपुर नगर कमिटी बाँकेको उद्घाटन गर्दै पोखरेलले भने, ‘‘बन्दूकलाई ठेगान लगाएको जनता लाठी प्रदर्शनसँग डराउदैनन् ।’’ उनले एमाओवादीले हिंसा मच्याएर संविधानसभाको हत्या गर्न खोजेको आरोप लगाए ।

पोखरेलले १५ जेठमा नयाँ संविधान जारी हुने बताए । उनले भने, ‘‘वाइसीएलको लाठीले दोस्रो संविधानसभा असफल बनाउन सक्दैन । संविधान जारी हुन्छ ।’’

एमाओवादीले काठमाडौंमा लाठीसहितका वाइसीएल प्रदर्शन गरेका थिए ।

केशव राना, बाँके

प्रतिकृया दिनुहोस