नेकपा एमालेका सचिव योगेश भट्टराईले सडक आन्दोलन छाडेर सहमतिका लागि तयार हुन एमाओवादीलाई आग्रह गरेका छन् ।

झापास्थित बीएनसी शिक्षण अस्पताल उद्घाटन कार्यक्रममा प्रमुख अतिथी बनेर मञ्चमा रहेका एमाओवादीका अध्यक्ष पुष्पकमल दाहाललाई भट्टराईले भने, ‘‘मैदान छाडेर सडकमा गएपछि गोल कसरी गर्नुहुन्छ । आउनुहोस्, यो मैत्रीपूर्ण खेलमा सँगै गोल गरौं ।’’

दाहालले खुल्लामञ्चबाट बल कांग्रेस–एमालेको कोटमा भएको प्रसंग निकाल्दै भट्टराईले भने, ‘‘मैदानबाट बाहिरिए गोल गर्न सकिन्न । मैत्रीपूर्ण खेलमा तपाईँहरुलाई निम्तो छ ।’’ भट्टराईले दाहालाई संविधान निर्माणलाई प्रतिश्पर्धाको नभई मैत्रीपूर्ण खेलको संज्ञा दिए ।

विषेश अतिथी बनेका भट्टराईले एमाओवादी नेतालाई संविधान निर्माणमा विदेशी शक्तिको आश नगर्न आग्रह गरे । उनले भने, ‘‘हाम्रो समस्यामा डाँडापारीका मान्छेहरुको मुख नताकौं ।’’

प्रतिकृया दिनुहोस