तराई मधेश लोकतान्त्रिक पार्टीका नेता हृदयेश त्रिपाठीले सहमतिका लागि नेपाली कांग्रेसले अग्रसरता लिन नसकेको आरोप लगाएका छन् ।

हिमालखबरसँग त्रिपाठीले भने, ‘‘कांग्रेसले सहमतिमा संविधान जारी गर्न अग्रसरता लिनुको साटो पार्टीकै महाधिवेशन लागेको छ । यसले सहमति जुट्न समस्या परिरहेको छ ।’’ उनले एमालेले स्थायी सत्ताको प्रतिनीधि बन्न खोजेकाले वार्ताहरु प्रभावकारी बन्न नसकेको बताए ।

त्रिपाठीले भने, ‘‘अनौपचारिक वार्ता प्रभावकारी बन्न सकेको छैन । हामी सहमतिकै पक्षमा छौं ।’’ जनतालाई आफ्नो अजेण्डाबारे बुझाउन बन्दको कार्यक्रम स्थगित गरेर अन्तरक्रियाको तयारी थालिएको उनले बताए ।

छिमेकीलाई संघीयताबारे बुझाइयो

त्रिपाठीले छिमेकी मुलुक भारत र चीनलाई नेपालमा भइरहेको आन्दोलबारे जानकारी गराइएको बताए ।

उनले भने, ‘‘छिमेकीहरु नेपालमा पहिचानसहितको संघीयता चाहदैन भन्ने भ्रम चिर्न एमाओवादी अध्यक्ष पुष्पकमल दाहाल र बाबुराम भट्टराईको भ्रमण सफल भएको छ ।’’ नेपालले छिमेकीको दबावले नभई जनतालाई अजेण्डा बुझाउन आन्दोलनको आधा कार्यक्रम फिर्ता लिएको बताए ।

हामीलाई नसोधी बोलाइएको बैठकमा जान्नौं

संविधानसभाका अध्यक्ष सुवासचन्द्र नेम्वाङले विपक्षी दलहरुलाई नसोधी बैठक बोलाएकाले बहिष्कार गर्ने उनले बताए ।

त्रिपाठीले भने, ‘‘संविधानसभा कांग्रेस–एमालेको मात्रै हो जस्तो गरी सभाध्यक्षले बैठक बोलाउनुभयो । हामी त्यो बैठकमा जाँदैनौं ।’’

प्रतिकृया दिनुहोस