प्रधानमन्त्री सुशील कोइरालाले आन्दोलनरत मोर्चालाई आन्दोलनका सम्पूर्ण कार्यक्रम त्यागेर वार्तामा आउन आग्रह गरेका छन् ।

प्रधानमन्त्री निवास बालुवाटारमा २३ चैत विहान पुगेका मधेशी जनाधिकार फोरम लोकतान्त्रिकका अध्यक्ष विजयकुमार गच्छदारसँग प्रधानमन्त्री कोइरालाले आन्दोलन र द्वन्द्वले विगतका उपलब्धी गुम्ने खतरा भएको भन्दै आन्दोलन त्यागेर वार्तामा आउन आग्रह गरेका हुन् ।

गच्छदारसँग प्रधानमन्त्रीले वार्ता, सहकार्यबाट सहमति कायम गरी संविधान निर्माण गर्न आग्रह गरेका थिए ।

एमाओवादी र मधेशकेन्द्रित दलहरु संलग्न विपक्षी मोर्चाले २४ कात्तिकदेखि आन्दोलनका कार्यक्रमहरु शुरु गर्दैछ ।

यसअघि २२ चैत साँझ प्रधानमन्त्रीसँग मोर्चा संयोजक एवम् एमाओवादी अध्यक्ष पुष्पकमल दाहालले भेटवार्ता गरेका थिए ।

भेटमा प्रधानमन्त्रीले आन्दोलन फिर्ता लिन दाहाललाई आग्रह गरे पनि उनले फिर्ता नलिने बताएका थिए ।

प्रतिकृया दिनुहोस