संविधान लेखन प्रक्रियालाई तत्काल पूर्णता दिई मुलुकलाई आर्थिक समृद्धिको दिशामा अगाडि बढाउन चीनले एमाओवादी अध्यक्ष पुष्पकमल दाहाललाई आग्रह गरेको छ ।

नेपाल भ्रमणमा रहेको चिनियाँ कम्युनिस्ट पार्टीका सान्सी प्रान्तका सचिव झेयो झेन्याङले ६ चैतमा एमाओवादीका अध्यक्ष पुष्पकमल दाहाललाई भेटी यस्तो आग्रह गरेका हुन् ।

भेटमा अध्यक्ष दाहालले प्रमुख राजनीतिक दलहरुबीच सहमतिका आधारमा संविधान जारी गर्न पहल भइरहेको र केही समयभित्रै सहमति हुने चिनियाँ पक्षलाई बताएको एमाओवादी स्थायी समिति सदस्य अग्निप्रसाद सापकोटा जानकारी दिए ।

चिनियाँ पक्षले संविधान निर्माणमा नेतृत्वदायी भूमिका निर्वाह गर्न अध्यक्ष दाहाललाई आग्रह गरेको सापकोटाले बताए ।

उक्त भेटमा दाहालले नेपाल एक चीन नीतिप्रति प्रतिबद्ध रहेको पनि बताएका थिए ।
रासस

प्रतिकृया दिनुहोस