संयुक्त राष्ट्र सङ्घको खाद्य संस्थाले भूकम्प प्रभावित नेपालमा ठूलो स्तरमा क्रियाकलाप सञ्चालन गर्ने भन्दै उसको पहिलो विमान १५ वैशाख, मङ्गलबार नेपाल पुग्ने जानकारी दिएको छ ।

नेपालको आवश्यकता मूल्याङ्कन गर्न विश्व खाद्य कार्यक्रमका विशेषज्ञ आइतबार नै काठमाडौँ आइपुगेका छन् ।

नेपालका भूकम्प प्रभावित क्षेत्रमा खाद्यान्न संकट हुनसक्ने भन्दै यूएनले दुबइबाट पकाउन नपर्ने खाद्यान्न बाकेको विमान मङ्गलबार नेपाल आइपुग्ने जानकारी दिएको छ ।

संयुक्त राष्ट्र सङ्घीय बालकोष (यूनिसेफ) ले १० लाख बालबालिकालाई तत्कालै सहयोग आवश्यक पर्ने जानकारी दिएको छ । उसले काठमाडौँमा हजारौँ व्यक्ति खुला शिविरमा रहेको र उनीहरूमा रोग लाग्नसक्ने जोखिम भएको जानकारी दिएको छ ।

युनिसेफले दुई मालबाहक विमानमा चिकित्सा तथा अस्पतालका आपूर्ति, पाल तथा ओड्ने गरी १२० टन मानवीय आपूर्तिका साथमा आफ्नो कर्मचारी लिएर नेपाल आउन लागेको पनि जानकारी दिएको छ ।

प्रतिकृया दिनुहोस