मेदान्ता द मेडिसिटी

नयाँ दिल्लीबाट मगाइएको एअर एम्बुलेन्सले नेता ओलीलाई भारतको दिल्ली नजिक गुडगावंस्थित मेदान्ता अस्पतालमा लिएर गएको हो । नर्भिक अस्पतालबाट विमानस्थलसम्म उनलाई एम्बुलेन्समा लगिएको थियो ।

नेता ओलीलाई भारत पठाउने क्रममा ठूलो संख्यामा एमालेका नेता, कार्यकर्ता तथा शुभेच्छुकहरु भेला भएका थिए ।

ओलीलाई आज थप उपचारका लागि भारत लगिंदै

छातीको संक्रमण र सेप्टिसेमियाले विरामी भएका एमाले नेता केपी शर्मा ओलीलाई आज भारत, हरियाणाराज्यको गुडगावंस्थित ‘मेदान्ता द मेडिसिटी’ अस्पतालमा उपचारका लागि लगिने भएको छ।
हिमालखबर
आईतबार , १९ कात्तिक२०६९ १२स्२४ पम
उपचारका लागि थापाथलीस्थित नर्भिक अस्पतालमा भर्ना भएका ओलीको स्वास्थ्यमा सुधार देखिएपनि उपचारको प्रक्रिया लामो हुने देखिएकाले थप उपचार र परीक्षणका लागि मेदान्ता अस्पताल लगिने एमालेले जनाएको छ ।

१८ कार्तिकमा ओलीलाई त्यसतर्फलगिने भनिएको भए पनि ढिलो खबर गरिंदा एअर एम्बुलेन्स आइ नपुगेका कारणले लग्न सकिएको थिएन ।

नेता ओलीका स्वकीयसचिव इन्द्र भण्डारीले ओलीको स्वास्थ्य सुधारोन्मुख हुँदै गएको जानकारी दिए ।

१९ कार्तिक बिहान विभिन्न दलहरुका नेताहरु अस्पतालमा पुगि ओलीको स्वास्थ्य अवस्थाका बारेमा जानकारी लिएका छन् । एकीकृत नेकपा माओवादीका अध्यक्ष पुष्पकमल दाहाल, नेपाली काङ्ग्रेस नेत्री सुजाता कोइराला र महिला, बालबालिका तथा समाजकल्याणमन्त्री बद्रीप्रसाद न्यौपानेले लगायतका नेताहरु थापाथलीस्थित नर्भिक अस्पतालमा गई नेता ओलीको स्वास्थ्यस्थितिबारे जानकारी लिएका हुन् ।

प्रतिकृया दिनुहोस