जिल्लाको शम्भुनाथ नगरपालिका–३ स्थित पूर्व–पश्चिम राजमार्गमा २६ बैशाख दिउँसो भएको मोटरसाइकल दुर्घटनामा चार जनाको ज्यान गएको छ ।

दुई वटा मोटरसाइकल एकअर्कासँग ठोक्किँदा दुबैमा सवार चार जनाको मृत्यु भएको हो ।

पश्चिमबट पूर्वतर्फ जाँदै गरेको बा.६६प १०९१ नम्बरको मोटरसाइकल र विपरित दिशातर्फ जाँदै गरेको को.१८प ८५५७ नम्बरको मोटरसाइकल एकआपसमा ठोक्किएका हुन् ।

दुर्घटनामा बा.६६प १०९१ नम्बरको मोटरसाइकल चालक दोलखाको भिमेश्वर नगरपालिका–१० का २२ वर्षीय निमा तामाङ्ग र पछाडि सवार सुनसरीको इटहरी उप महानगरपालिका १ का १८ वर्षीय शरतकुमार मगरको मृत्यु भएको छ ।

त्यसैगरी अर्को को.१८प ८५५७ नम्बरको मोटरसाइकलका चालक बाराको गडहल–५ का २१ वर्षीय बैजु फौजदार तथा त्यही मोटरसाइकलमा सवार अर्का एकको पनि मृत्यु भएको प्रहरीले जनाएको छ । उनको सनाखत हुन सकेको छैन् ।

तिब्र गतिमा रहेका दुबै मोटरसाइकल एकअर्कासँग ठोक्किएको प्रत्यक्षदर्शीले जनाएका छन् ।

दुर्घटना लगत्तै गम्भीर घाइते भएका उनीहरुलाई उपचारका लागि लहान अस्पताल लगिएपनि ज्यान गएको जिल्ला प्रहरी कार्यालय सप्तरीले जनाएको छ ।

यसअघि सप्तरीकै कल्याणपुरस्थित पूर्व पश्चिम राजमार्गमा २५ बैशाख राति भएको मोटरसाइकल दुर्घटनामै एक जनाको ज्यान गएको छ ।

राति ११ बजेतिर रोकिरहेको ट्याक्टरमा ठोक्किँदा मोटरसाइकल चालकको मृत्यु भएको हो ।

पूर्वबाट पश्चिमतर्फ जाँदै गरेको ना ४ प ८८०३ नम्बरको मोटरसाईकल कल्याणपुर ३ स्थित राजमार्ग छेउमा पार्किङ गरी राखेको ट्याक्टरमा ठोक्किदा दुर्घटना भएको प्रहरीले जनाएको छ ।

दुर्घटनामा मोटरसाईकल चालक उदयपुर हुडिया ४ का २१ वर्षीय भगवती प्रसाद चौधरीको उपचारको क्रममा अस्पतालमा मृत्यु भएको हो ।

पछाडि सवार सप्तरीकै बकधुवा ३ का २२ वर्षीय कुशेश्वर चौधरी गम्भीर घाईते भएका छन् । उनको बीपी कोईराला स्वास्थ्य बिज्ञान प्रतिष्ठान धरानमा उपचार भइरहेको छ ।

ट्याक्टर चालक र ट्याक्टरलाई इलाका प्रहरी कार्यालय कल्याणपुरले नियन्त्रणमा लिएको छ ।

श्रवणकुमार देव, सप्तरी

प्रतिकृया दिनुहोस