उपत्यकामा २९ वैशाखको भूकम्पबाट आठ जनाको मृत्यु भएको छ । त्यसमध्ये चार जनाको भूकम्प आउँदा हृदयघातका कारण मृत्यु भएको छ ।

महानगरीय प्रहरी कार्यालय रानीपोखरीका अनुसार काठमाडौंमा पाँच, भक्तपुरमा दुई र ललितपुरमा एक जनाको मृत्यु भएको हो । एसएसपी नारायणसिंह खड्काका अनुसार नयाँबजारमा नरमाया घले, गोकर्णेश्वरमा दुर्गादत्त श्रेष्ठ, भक्तपुरको बालकोटमा नारायण भट्टराई र बोडेमा श्यामसुन्दर श्रेष्ठको हृदयघातबाट मृत्यु भएको हाे ।

हृदयघातबाट मृत्यु हुने सबै ६० वर्षमाथिका छन् । ठूलो भूकम्पबाट धेरै डराएर दौडधुप गर्दा हृदयघात भएकाले उनीहरुको मृत्यु भएको प्रहरीले जनाएको छ ।

नयाँ पत्रिका दैनिकबाट

प्रतिकृया दिनुहोस