कानूनमन्त्री नरहरी अाचार्यले नेकपा एमाले र एमाअाेवादीले भनेजस्ताे राष्ट्रिय सहमतिकाे सरकारबारे छलफल नभएकाे बताएका छन् ।

भरतपुर विमानस्थलमा सञ्चारकर्मीसँग कुरा गर्दै उनले सहमतिकाे सरकारबारे कुनै छलफल नभएकाे बताए । उनले भने, “अहिलेकै सरकारलाई सहमतिको सरकार बनाएर राहत र पुनःस्थापनामा जुट्नुपर्छ ।”

उनले महाभूकम्प प्रभावित क्षेत्रको पुनःनिर्माणका लागि सरकारले केही समयमा नै काम थाल्ने बताए । उनले राहत वितरणमा कुनै समस्या नदेखिएको जिकिर गरे ।

मन्त्री आचार्यले भने, “भूकम्प प्रभावित क्षेत्रका बारेमा संसद्मा उठेका कुरालाई सरकारले सम्बोधन गर्नेछ र भूकम्पका कारण घरबास गुमाएकालाई असार महिनाभित्र अस्थायी बसोबासको व्यवस्था गर्नेछ ।”

उनले अहिले वितरण गरिँदै आएको तत्कालीन राहतका लागि मात्र भएकाले दीर्घकालीन राहत वितरण गर्न बाँकी नै रहेको बताए ।

प्रतिकृया दिनुहोस