महाभूकम्प प्रभावित क्षेत्रमा श्रमदानका लागि नेकपा एमालेद्वारा सञ्चालित राष्ट्रिय स्वयम्सेवक परिचालन अभियानअन्तर्गत पार्टी केन्द्रीय प्रचार विभागले ११ सदस्यीय अभियान प्रचार समिति गठन गरेको छ ।

समितिमा विभागका प्रमुख योगेश भट्टराई, उपप्रमुख सूर्य थापा तथा सदस्यमा राजेन्द्र अर्याल, प्रमोद दाहाल, गगन विष्ट, विष्णु रिजाल, गणेश बस्नेत, माधव नेपाल, श्रीप्रसाद आचार्य र सुवास खतिवडा रहनुभएको विभागका उपप्रमुख थापाले बताए ।

देशका २५ जिल्लाका ७२ निर्वाचन क्षेत्रमा एमालेको अभियान चलिरहेको छ । याे क्रममा एमालेका अध्यक्ष केपी शर्मा ओली र अभियानका संयोजक गोकर्ण विष्टले काठमाडौँ– ४ चुन्नीखेलमा भइरहेको निर्माण÷पुनःनिर्माण कार्यको अनुगमन गरे ।

पोलिटब्युरो सदस्य थममाया थापाको नेतृत्वमा अखिल नेपाल महिला सङ्घका स्वयम्सेवक तथा केन्द्रीय सदस्य डा राजन भट्टराईको संयोजनमा भूगोलका स्वयम्सेवक सम्मिलित उक्त क्षेत्रमा व्यापक सक्रियता र उत्साहका साथ धराप भत्काउने, उद्धार गर्ने र अस्थायी घर बनाउने काम भएको छ ।

प्रतिकृया दिनुहोस