हिन्दू राज्य माग गर्दै धर्मगुरुसहित प्रदर्शनमा उत्रिएका हिन्दू समर्थक र प्रहरीबीच इटहरीमा झडप हुँदा दर्जन बढी घाइते भएका छन् ।

धर्मगुरु श्रीनिवासाचार्यलाई प्रहरीले नियन्त्रणमा लिएपछि भएको झडपमा दर्जन प्रदर्शनकारी घाइते भएका हुन् । प्रदर्शनकारी नियन्त्रणमा लिन १२ राउण्ड अश्रुग्याँस प्रहार गरिएको प्रहरीले जनाएको छ ।

प्रहरी नियन्त्रणमा रहेका धर्मगुरु रिहाईको माग गर्दै प्रर्दशनकारीले इलाका प्रहरी कार्यालय इटहरी अगाडि प्रदर्शन गरिरहेका छन् । प्रर्दशनकारी र प्रहरीबीच झडप भएपछि अहिले इटहरी चोक तनावग्रस्त छ ।

संविधानमा हिन्दू राज्य लेखिनु पर्ने माग गर्दै आन्दोलनमा उत्रिएकाहरुले ९ साउनदेखि दैनिक चक्काजाम गर्दै आएका छन् ।

-शेखर ढकाल, इटहरी

प्रतिकृया दिनुहोस