सीमाकंनसहित ६ प्रदेश निर्धारण गरिएपछि नवलपरासी टुक्रिएको भन्दै नवलपुर क्षेत्रमा खुशीयाली मनाइएको छ ।

नवलपुर क्षेत्रका २७ गाविस प्रदेश नम्बर ४ मा परेपछि उनीहरुले खुशीयाली मनाएका हुन् । नवलपरासीका पूर्व जिविस सदस्य दुर्गादत्त भण्डारीले भने, “पञ्चायतदेखि नै नबलपुर छुट्टै जिल्ला बन्नुपर्ने माग थियो, अहिले कार्यान्वयन भयो ।” उनले दाउन्ने पश्चिमले नवलपुर छुट्टिदा विरोध गर्नुको अर्थ नभएको बताए ।

भण्डारीले भने, “नवलपुरबासीले दिपावली गरी यो निर्णयलाई स्वागत गरेका छन् ।”

उता, परासी क्षेत्रमा भने अखण्ड नवलपरासीको माग गर्दै बन्दको आह्वान गरिएको छ । उनीहरुले अखण्ड नवलपरासीको माग गर्दै २३ साउनदेखि आन्दोलन थालेका छन् ।

-विद्रोही गिरी, नवलपरासी

प्रतिकृया दिनुहोस