रुपन्देही जिल्ला प्रशासन कार्यालयले भैरहवामा बिहान ११ बजेदेखि निषेधित क्षेत्र घोषणा गरेको छ ।

जिल्ला सुरक्षा समिति रुपन्देहीका अध्यक्ष तथा प्रजिअ विष्णु ढकालले शान्ति अमनचयन कायम गर्न पूर्वमा वसन्तपुर गाविस, पश्चिममा गौतम बुद्ध विमानस्थल, उत्तरमा पडसरी र दक्षिण सिमानाका बेलहियासम्म निषेधित क्षेत्र घोषणा गरिएको जानकारी दिए ।

यसअघि ४ भदौ राती ९ बजेदेखि आज बिहान ४ बजेसम्म कर्फ्यु आदेश जारी गरिएको थियो । कर्फ्यू खुलेसँगै स्थिति तनावग्रस्त बन्न थालेपछि स्थानीय प्रशासनले निषेधित क्षेत्र घोषणा गरेको हो ।

दश दिनदेखि प्रदेश सीमाङ्कनका विषयमा असहमति जनाउँदै भैरहवामा संयुक्त मधेसी मोर्चाले आन्दोलन गर्दै आएकामा बिहीबार आन्दोलनका क्रममा तोडफोड आगजनी भएपछि स्थानीयवासी प्रतिवादमा उत्रेका थिए ।

* सच्याइएको

प्रतिकृया दिनुहोस