नयाँ संविधानकाे परिमार्जित मस्याैदा संविधानसभाका अध्यक्ष सुवास नेम्वाङलाई बुझाउँदै सभापति कृष्णप्रसाद सिटाैला । तस्वीरः बिक्रम राई

मस्यौदा समितिले नयाँ संविधानको अन्तिम मस्यौदा संविधानसभामा पेश गरेको छ ।

जनताको सुझावलाई समेटेर परिमार्जन गरिएको संविधानको अन्तिम मस्यौदा ६ भदौ साँझ पेश भएको हो । मस्यौदा समितिका सभापति कृष्णप्रसाद सिटौलाले भाग ३७, धारा ३०२ र ९ अनुसूची रहेको नयाँ संविधानको विधयेक संविधानसभामा पेश गरेका हुन् ।

उनले मधेश केन्द्रित दलहरुको बहिष्कार र राप्रपा नेपालको नाराबाजीबीच विधयेक संविधानसभामा पेश गरे । विधयेक अध्ययनका लागि संविधानसभाका अध्यक्ष सुवास नेम्वाङले तीन दिनको समय दिए ।

आगामी विधयेकमाथि सैद्धान्तिक छलफल ९ भदौ विहान ८ बजेबाट शुरु हुने भएको छ । २५ जेठमा दलहरुबीच १६ बुँदे सहमतिपछि पहिलो मस्यौदामाथि जनताले दिएको सुझाव समेटेर संविधानसभा अन्तर्गतका समितिहरुले अन्तिम मस्यौदा तयार पारेको हो ।

कपिल भट्ट, काठमाडाैं

प्रतिकृया दिनुहोस