जनताको सुझाव लिएपछि परिमार्जन गरिएको नयाँ संविधानको विधयेक संविधानसभामा पेश गर्दै मस्यौदा समितिका सभापति कृष्णप्रसाद सिटौलाले नफर्कने राजतन्त्रबारे छलफल नहुने बताएका छन् ।

सिटौलाले विधयेक पेश गर्दैगर्दा राप्रपा नेपालका सभासदहरुले हिन्दू राष्ट्र, संवैधानिक राजतन्त्रलगायत माग राखेर नाराबाजी गरिरहेका थिए । नाराबाजीबीच विधयेक पेश गर्दै सभापति सिटौलाले भने, “राजतन्त्र फर्कदैन र त्यसबारे कुनै छलफल पनि हुँदैन ।”

उनले गणतन्त्र नेपालको संविधान बन्दै गरेकाले राजतन्त्र ब्यूताउने कुरा नगर्न राप्रपा नेपालका सभासदहरुलाई आग्रह गरे । उनले भने, “राजतन्त्र फर्काउने माग पूरा गर्न सकिदैन, यसबाहेक छलफलमा आउनुहोस् ।”

राप्रपा नेपालका सभासदहरुले भने लगातार नाराबाजी गरिरहेका थिए । संविधानसभाका अध्यक्ष सुवास नेम्वाङले पेश भएको विधयेकमाथिको छलफल आगामी ९ भदौबाट शुरु हुने जानकारीसहित बैठक स्थगित गर्दा पनि नाराबाजी भइरहेको थियो ।

उनीहरु नाराबाजी गर्दै संविधानसभा बैठकबाट बाहिरि निस्किए । सिटौलाले भाग ३७, धारा ३०२ र ९ अनुसूची रहेको नयाँ संविधानको विधयेक संविधानसभामा पेश गरे ।

प्रतिकृया दिनुहोस