विश्वकै होचा व्यक्तिका रुपमा गिनिज बुक अफ दि वल्र्ड रेकर्डसमा नाम लेखाएका नेपालका चन्द्रबहादुर डाँगीको निधन भएको छ ।

७५ वर्षीय डाँगीको निमोनियाका कारण अमेरिकन समवाको पागोपागोस्थित ल्यान्डन बी जोहन्सन ट्रपिकल मेडिकल सेन्टरमा निधन भएको हो । मनोरञ्जनात्मक कार्यक्रममा सहभागी हुन पाँच महिनाअघि अमेरिका पुगेका थिए ।

उनका सहयोगी थानेश्वर गुरागाईँका अनुसार डाँगीका साथमा रहेका उनका भतिजा दोलखले उनका हजुरबुवाको उपचारका क्रममा निधन भएको पुष्टि गरे ।

डाँगीको जन्म १५ मंसीर १९९६ मा सल्यानको रामपुरस्थित कालीमाटीमा भएको थियो । हाल उनको स्थायी बसोबास दाङको पुरनधारास्थित रिमखोलीमा छ ।

चौध किलो तौल भएका डाँगीको उचाइ २१ दशमलव ५ इन्च रहेको थियो । डाँगीले १४ फागुन २०६८ मा विश्वकै होचा व्यक्तिको प्रमाणपत्र प्राप्त गरेका थिए ।

प्रतिकृया दिनुहोस