काेहलपुरमा अान्दाेलनकारीले सर्वसाधरणकाे हत्या गरेपछि अान्दाेलित सर्वसाधरण । तस्वीरः केशव राना

नयाँ संविधान निर्माण प्रक्रियाप्रति असन्तुष्टि जनाउँदै २३ साउनदेखि शुरु भएको बन्द हड्तालले तराईका जिल्लाहरु नराम्रोगरी प्रभावित बन्दै आएको छ ।

थारुहट संघर्ष समिति, हिन्दू अभियान, नेकपा–माओवादी र साना दलहरुको बन्दसँगै संयुक्त मधेशी मोर्चाको अनिश्चितकालीन बन्दले जनजीवन प्रभावित बन्दै आएको हाे । ३० साउनदेखि यी जिल्लाहरुमा बजारक्षेत्र खुल्न नसकेपनि गाउँ क्षेत्रको जनजीवन भने सामान्य नै छ ।

२५ साउनदेखि १० सुरक्षाकर्मीसहित २९ जनाले ज्यान गुमाइसकेको आन्दोलनले अझै निकास पाउन सकेको छैन । ७ भदौको टीकापुर घटनापछि केही जिल्लाहरुमा दंगाग्रस्त क्षेत्र, कर्फ्यू र निषेधाज्ञा कायमै राखिएको छ भने प्रदर्शनकारीहरुले बन्दलाई कायम राखेका छन् ।

धेरै पटक सरकारले आह्वान गरेपनि वार्तालाई अस्वीकार गर्दै आएको आन्दोलनकारी र स्थानीय प्रशासनको आह्वानबीच २१ भदौको तराई यस्तो रह्यो ।

कैलाली – ७ भदौयता टीकापुरमा जारी गरिएको कफ्र्यू कायमै छ । विहान ७–१० बजेसम्म कर्फ्यू हटाएर जनजीवनमा केही राहत दिने काम भइरहेको छ ।

बर्दिया – बन्दको आंशिक प्रभाव परेको छ । छोटोदुरीको यातायात सञ्चालन आएपनि लामो दुरीको यातायात प्रभावित छ, बजारपशल आंशिक खुलेका छन् । अान्दाेलनकारीकाे अाजै बसेकाे बैठकले पाँच दिनकाे लागि बन्द खुलाएकाे छ ।

बाँके – नेपालगञ्जमा निषेधाज्ञा कायमै छ । आन्दोलनकारीले मोटरसाइकल चढिरहेका करण सिंहको हत्या गरेपछि प्रदर्शन भइरहेको छ । साँझविहान गरेर यातायात सञ्चालनमा ल्याउने गरिएको छ ।

दाङ – थरुहटको बन्द कायमै छ । थारु समुदाय बहुल देउखुरी २४ दिनयता ठप्प हुँदै आएको छ । यसबाहेकका बजार क्षेत्र बने आंशिक प्रभावित छ ।

पर्सा – ७ भदौदेखि दंगाग्रस्त क्षेत्र घोषणा गरिएको बीरगञ्जमा विहान १०–१२ बजेसम्म कर्फ्यू हटाइएपनि पुनःकायम छ । बजार क्षेत्र कर्फ्यू, भिडन्त र निषेधाज्ञाले नराम्रोगरी प्रभावित बनेपनि गाउँ क्षेत्र भने सामान्य छ ।

रौतहट – मूख्य सडकहरुमा दंगाग्रस्त क्षेत्र घोषणा कायमै छ । बन्द नखुल्दा बजार क्षेत्र प्रभावित छ ।

बारा – ८ भदौदेखिको दंगाग्रस्त क्षेत्र र कर्फ्यू कायमै छ । गाउँ क्षेत्रको जनजीवन सामान्य छ ।

सर्लाही – बन्दको प्रभाव आंशिक परेको छ । प्रदर्शनकारीले प्रदर्शन कायमै राखे ।

महोत्तरी – बन्दको प्रभाव आंशिक परेको छ । गौशाला प्रहरी बीटमा प्रदर्शनकारीले आगजानीको गरेका छन् ।

धनुषा – २४ दिनदेखि बन्द कायमै । प्रदर्शनकारीले नेपाली कांग्रेसको पार्टी कार्यालयमा आगजानी गरे । अवस्था नियन्त्रणमा लिन खोज्दा प्रहरी र प्रदर्शनकारीबीच झडप भएको छ ।

सिराहा – आन्दोलनकारीद्वारा प्रदर्शन ।

सप्तरी – आन्दोलनकारीको प्रदर्शन ।

-श्रवन देव, सप्तरी, दिलीपकुमार सिंह, सिराहा, सुरेश विडारी, बीरगञ्ज, भावुक योगी, बर्दिया र बच्चु विक, टीकापुर

प्रतिकृया दिनुहोस