तीन प्रमुख दलको बैठकले सीमाङ्कनप्रति असन्तुष्टि देखाउँदै आन्दोलनमा रहेका दलहरुलाई वार्ताका लागि पुनः बोलाउने निर्णय गरेको छ ।

२३ भदौ साँझ अवेर संविधानसभा भवन नयाँ बानेश्वरमा बसेको बैठकले आन्दोलनरत दलहरुलाई अन्तिम पटक वार्ताका लागि आह्वान गर्ने निर्णय भएको नेपाली कांग्रेसका उपसभापति रामचन्द्र पौडेलले जानकारी दिए ।

जारी बैठकबाट बाहिर निक्लिएका पौडेलले भने, “आन्दोलनरत दलहरुका लागि पनि यो अन्तिम अवसर हो, उनीहरु आफ्ना शर्तहरु सबै वार्ता–बैठकमै राख्ने गरी छलफलका लागि आउनुपर्छ ।”

बैठकले केही बेरमै तीन दलका तर्फबाट वक्तव्य समेत जारी गर्ने जानकारी दिंदै पौडेलले संविधान निर्माणको जारी प्रक्रिया भने नरोकिने बताए ।

“अहिले देशलाई आन्दोलन होइन संविधान चाहिएको छ, लोकतान्त्रिक संविधान जारी गर्न सबैले सहयोग गर्नुपर्छ, संशोधनका प्रशस्तै विकल्पहरु सँधै रहन्छन,” उनले भने ।

प्रतिकृया दिनुहोस