नेपली कांग्रेसका केन्द्रीय सदस्य नारायण खड्काले आयोजना गरेको भनिएको दिवा भोजमा नेपाली कांग्रेसका सभापति सुशील कोइराला, एमाले अध्यक्ष झलनाथ खनाल, मधेशी मोर्चाका संयोजक एवम् उपप्रधानमन्त्री विजयकुमार गच्छदारलगायतका नेताहरु र भारत, चीन, अमेरिका, बेलायत, फ्रान्स, जर्मनी, अष्ट्रेलिया, रुस, बंगलादेश, श्रीलंकालगायतका देशका राजदूत सहभागी थिए ।

भोजमा सहभागी कांग्रेस सभापति कोइरालाले सञ्चारकर्मीलाई प्रतिक्रिया दिंदै सहमतिको विकल्प नभएको र राष्ट्रपतिले तोकेको समयसीमाभित्रै सहमति हुने बताए । त्यस्तै एमाले अध्यक्ष झलनाथ खनालले सात दिनभित्र सहमति जुटाउनका लागि आफूहरुले अथक प्रयास गरिरहेको जानकारी दिए । मधेशी मोर्चाका संयोजक विजयकुमार गच्छदारले पनि तोकिएको समयमै सहमति हुने बताए।

धुलिखेलको मिराबेल रिसोर्टमा आयोजित उक्तभोजमा सहभागी राजदूतहरुले छिटै सहमति कायम गरी नयाँ सरकार गठन गर्न सुझाव दिएको बुझिएको छ ।

राष्ट्रपतिले सहमतिको सरकार गठनका लागि आह्वान गरेका बेला आयोजना भएको यो भोज अर्थपूर्ण मानिएको छ ।

प्रतिकृया दिनुहोस