अख्तियार दुरुपयोग अनुसन्धान आयोगले यातायात व्यवस्था विभागका प्राविधिक निर्देशक नविनकुमार पोखरेललाई इलेक्ट्रिक स्कुटर आयातका लागि सिफारिस गरेवापत घुस लिएको आरोपमा पक्राउ गरेको छ ।

भारतबाट स्कुटर आयात गर्न चाहने सेवाग्राहीसँग लिएको रु १ लाख ८० हजार घुस रकम सहित उनलाई यातायात व्यवस्था विभाग नयाँबानेश्वरबाट नियन्त्रणमा लिइएको अख्तियारले जनाएको छ ।

एवन साइकल्स लिमिटेडको इलेक्ट्रिक स्कुटर झिकाउन नेपालगञ्ज भन्सार कार्यालयले आयातकर्ताबाट विभागको सिफारिस माग गरेपछि उक्त सिफारिस बनाउन पोखरेलले प्रति स्कुटर रु ५ हजारका दरले ३६ वटाको जम्मा रु १ लाख ८० हजार लिइसकेको अवस्थामा पक्राउ गरेको उल्लेख गरेको छ ।

अहिले पोखरेललाई नियन्त्रणमा लिई अख्तियारले थप अनुसन्धान गरिरहेको छ ।

प्रतिकृया दिनुहोस