१३ मंसीरदेखि प्रसारण बन्द भएको रेडियोका कर्मचारी र पार्टीका कार्यकताहरु बीच झडपको अवस्था आएपछि प्रहरीले एफ,एममा ताला लगाएर सुरक्षा दिईरहेको छ ।

पार्टी शान्ती प्रकृयामा आएदेखि तत्कालिन नेकपा माओवादीले संचालन गर्दे आएको रेडियो पछिल्लो समयमा नेकपा–माओवादी (वैद्य नेतृत्व) निकटका रेडियोकर्मीहरुले मात्र सञ्चालन गर्दै आएका थिए । रेडियोमा एकीकृत नेकपा माओवादीले आफ्ना मातहतका रेडियोकर्मीहरुलाई पनि काम गर्ने निर्देशन दिएपछि विवाद भएको हो ।

पार्टी विभाजन भएपछि दुबै पक्षले रेडियोलाई आ– आफ्नो दावी गर्दै आएका छन् । रेडियोसहित जिल्लस्थित अन्य सम्पत्तिको टुङ्गो लगाउन दुई पक्षबीचका छलफल अहिलेसम्म पनि टुंगोमा पुग्न सकेको छैन । दुवै पक्षले रेडियोलाई आफ्नै मातहतमा ल्याउन खोज्दा झडपको सम्भावना देखेर ताला लगाएर सुरक्षा दिनुपरेको पाल्पाका प्रहरी नायव उपरीक्षक स्थानेस्वर रेग्मीले बताए ।

एकीकृत नेकपा माओवादी पाल्पा इन्चार्ज वसन्त शर्मा कुशलले सहमति अनुसार नै आफूले आफ्ना पक्षका रेडियोकर्मीलाई रेडियोमा जान निर्देशन दिएको बताएका छन् । तर नेकपा–माओवादीका इन्चार्ज वसन्त घर्तिमगरले भने पटक पटक भएको सहमति एनेकपा माओवादीले उल्लंघन गर्दै आएको र एक्कासी सहमति विपरीत रेडियो कव्जा गर्ने शैलीमा आएकोले आफूहरु प्रतिवादको रुपमा उत्रन वाध्य भएको बताए । देव पचभैया, पाल्पा

प्रतिकृया दिनुहोस