रिपोर्टर्स क्लबले १४ मंसीरमा आयोजना गरेको कार्यक्रममा नेता नेपालले गणतन्त्रको प्रतिकको रुपमा रहेका राष्ट्रपतिलाई आरोपित गर्नु गणतन्त्र मास्ने षडयन्त्र भएको दावी गरेका हुन् । “माओवादीले के गर्न खोजेको हो ? उसको गतिविधिले गम्भीर आशंका उब्जाएको छ,” नेपालले भने ।

राष्ट्रपतिलाई धम्काए राम्रो नहुने चेतावनी दिंदै नेता नेपालले एकीकृत माओवादीका कारण मुलुक द्वन्द्वतिर उन्मुख भएको बताए । सहमतिको आह्वान गरेर राष्ट्रपतिले जोखिम मोलेको तर्क गर्दै नेपालले अब राष्ट्रपतिले नै मुलुकलाई निकास दिनुपर्ने धारणा राखे ।

उनले बाबुराम भट्टराईको नेतृत्व कुनै दृष्टिकोणले पनि स्वीकार्य नहुने स्पष्ट पार्दै निर्वाचन आयोगमा दर्ता भएका बहुमत दल र सरकारमै रहेका दलको समर्थनसमेत विपक्षी गठनबन्धनलाई रहेको दावी गरे ।

बर्तमान सरकारको विस्थापन सबैले चाहेको नेता नेपालको भनाई थियो ।

प्रतिकृया दिनुहोस