२१ मंसीर साँझ सेना समायोजन विशेष समितिको सचिवालय नयाँबानेश्वरमा बसेको प्रमुख चार राजनीतिक शक्तिहरुबीचको बैठकमा संविधानको अन्तर्वस्तुमा पनि अहिले नै सहमति गर्नु पर्ने एमाओवादी र मधेशी मोर्चाको अडानका कारण सहमति बन्न नसकेको हो ।

“आज पनि सहमति बन्न सकेन, सहमतिका लागि प्रयास जारी रहेकाले राष्ट्रपति समक्ष थप एक हप्ताको समय माग्ने निर्णय भएको छ,” कांग्रेस महामन्त्री कृष्णप्रसाद सिटौलाले जानकारी दिए ।

सहमतिका लागि मुख्य दलहरूको बैठक बस्दै

राष्ट्रपतिले सहमतिका लागि थप गरेको दोस्रो चरणको समयसीमा आज सकिदैछ । दलहरुले सहमतिका लागि छलफल तीब्र पारेपनि एमाओवादीको अडानका कारण सहमति हुन सकेको छैन ।

हिमालखबर

बिहीबार , २१ मंसीर २०६९ ३:१५ पम

आजै दिउँसो ३ बजेपछि सेना समायोजन विशेष समितिको कार्यालयमा मुख्य दलहरूको बैठक बस्दै छ । दलहरुबीच आ-आफ्ना अडान कायम रहेकाले ती अडानकाबीचबाट निकास खोज्ने गरि छलफल हुने एमाले नेता भीम रावलले बताए ।

एकीकृत नेकपा माओवादीले सहमतिको सरकारका गठन गर्नुअघि संविधानका विवादित विषयसँगै प्याकेजमा सहमति खोज्नुपर्ने बताएको छ भने विपक्षी दलहरुले सरकार गठनपछि टुङ्गोमा पुग्नुपर्ने बताएका छन् । आ-आफ्ना अडानकाबीच २० मंसीरमा बसेको शीर्ष नेताहरुको बैठक निस्कर्षविहीन सकिएको थियो । विपक्षी दलहरुले सहमतिको सरकारका लागि नेपाली काङ्ग्रेसका सभापति सुशील कोइराललाई अघि सारेका छन् ।

प्रतिकृया दिनुहोस