अनशनरत प्राडा गोविन्द केसीको समर्थनमा चिकित्सा शास्त्र अध्ययन् संस्थानका रेजिडेन्ट डाक्टरहरुले भोली, ३० असारदेखि पठनपाठन रोक्ने भएका छन् ।

डा केसीको अनशन चिकित्सा शिक्षा र समग्र स्वास्थ्य क्षेत्रमा सुधारका लागि भए पनि सम्बन्धित निकायले बेवास्ता गरिरहेको भन्दै रेजिडेन्ट डक्टर्स एशोसिएसनले पठनपाठनको कार्यक्रममा सहभागी नहुने जनाएको हो ।

पठनपाठन बाहेक अन्य कार्यक्रम (इमर्जेन्सी, वार्ड, ओटी र ओपीडी) मा भने डाक्टरहरु यथावत सहभागी रहनेछन् ।

एशोसियसनले जारी गरेको विज्ञप्तिमा भनिएको छ, “डा केसीको जीवन रक्षाका लागि रेजिडेन्ट डाक्टरहरुद्वारा बाध्यभएर उठाउनु परेको यस कदमलाई सहयोग गरिदिनुहुन फ्याकल्टी, कर्मचारी लगायत सम्बन्धित सबैलाई आग्रहसमेत गर्न चाहन्छौं ।”

प्रतिकृया दिनुहोस