एमाले काभ्रेको आठौं जिल्ला अधिवेशनलाई २९ मंसीरमा सम्बोधन गर्दै महासचिव पोखरेलले राष्ट्रपतिले समय थप्दै जाने तर, दलहरुबीच सहमति नबन्ने स्थिति भएकोले राष्ट्रपतिले नयाँ सरकारको घोषणा गर्नुपर्ने बेला आइसकेको दाबी गरे । उनले वर्तमान सरकार विस्थापन नभएसम्म सहमतिको कुनै विन्दु नभेटिने उल्लेख गर्दै समय थप्ने र असहमति कायमै रहने अवस्थाले मुलुकलाई थप जटिलता तर्फ धकेल्ने बताए ।

बाबुराम भट्टराई नेतृत्वको सरकारले राजनीतिक, संवैधानिक र नैतिक आधारहरु गुमाइसकेको भन्दै उनले सहमतिको लागि सरकारको विस्थापन नै उत्तम विकल्प भएको दोहो¥याए । पोखरेलले आफ्नो पार्टी नेपाली मौलिक परम्परालाई टिकाइ राख्ने संघीयताको पक्षमा रहेको जिकिर गर्दै जातीय राज्य कुनै पनि हालतमा स्वीकार्न नसकिने बताएका थिए ।

प्रतिकृया दिनुहोस