आतङ्क मच्चाउने हात्ती मार्नुपर्ने, मृतकका परिवारलाई १० लाख क्षतिपूर्ति उपलव्ध गराउनु पर्ने माग राखेर आन्दोलित भएका उनीहरुले माडीका पाँच पाण्डव, बगौडा, रेवा र अयोध्यापुरी मध्यवर्ती उपभोक्ता समितिको कार्यालयमा रहेका कागजात र फर्निचर जलाएका हुन् ।

आक्रोशित आन्दोलनकारीले प्रहरी चौकी वरुवामा तोडफोड गर्न थालेपछि प्रहरीले तीन राउण्ड अश्रु ग्याँस हानेको छ । उनीहरुले प्रहरी भ्यानमा समेत तोडफोड गरेका छन् ।

भरतपुर–माडी–ठोरी सडकखण्ड अवरुद्ध पारेर प्रर्दशन गरेका आन्दोलित स्थानीयवासीले यसअघि हिंजै कसरामा रहेको निकुञ्जको मुख्य कार्यालय तालावन्दी गरेका थिए ।

१ पुस राति जंगली हात्तीको आक्रमणबाट गर्दीमा वुद्धिराम वोट र उनकी श्रीमती जरिया वोटको मृत्यु भएपछि शवको अन्तिम संस्कार नगरी आन्दोलनमा उत्रिएका उनीहरुले ४ पुसदेखि सदरमुकाम केन्द्रित आन्दोलन गर्ने तयारी गरेको जनाएका छन् ।
निकुञ्जको बनकट्टा पोष्टदेखि सुकीभार पोष्टको क्षेत्रमा हात्ती रहेको अनुमान गरिए पनि अहिलेसम्म हात्तीफेला पर्न नसकेको निकुञ्जका प्रमुख संरक्षण अधिकृत झमकवहादुर कार्कीले जानकारी दिए । टोली हात्ती मार्न खटिरहेकाले संयमित रहन माडीका वासिन्दालाई निकुञ्जले अनुरोध गरेको छ ।

प्रतिकृया दिनुहोस