१५ पुस विहान शीतलनिवास पुगेका प्रमुद दलका शीर्ष नेताहरुले अन्तिम पटकका लागि पाँच दिन म्याद थप गर्न आग्रह गरे अनुसार राष्ट्रपतिले २० पुससम्मका लागि म्याद थप गरेका हुन् ।

यसअघि ६ पटक गरी ३५ दिनसम्मको समय दिंदा पनि सहमति नगरेका दलहरुले आज विहान भएको भेटमा आफूहरु सहमतिको नजिक पुगेको भन्दै पाँच दिन म्याद थप्न आग्रह गरेका थिए । दलहरुले सहमति नगर्दा लोकतन्त्र मासिन लागेको भन्दै राष्ट्रपतिले नेताहरुसँग असन्तुष्टि व्यक्त गरेका थिए ।

९ पुसमा भारत भ्रमणमा जानुअघि विघटित संविधान सभाका सबै दलहरुसँग छलफल गरी म्याद थप गरेका राष्ट्रपतिले यसपटक भने प्रमुख तीन दलशीर्ष नेता र मधेशी मोर्चाका संयोजकसँगको छलफलपछि म्याद थपेका हुन् ।

राष्ट्रपति कार्यालयबाट प्रकाशित विज्ञप्तिः

प्रतिकृया दिनुहोस