बिहान ३ बजेतिर सल्केको आगोले राजविराज १ स्थित हटियाका तीन दर्जनभन्दा बढी पसलहरु जलेर नष्ट भएका छन् । एउटा फलफूल पसलबाट सल्केको आगोले किराना, होटेल, तरकारीसहितका पसलहरु जलेर नष्ट भएका हुन् । आगो कसरी लागेको हो भन्ने बारेमा स्पष्ट खुल्न नसकेको  जिल्ला प्रहरी प्रमुख सञ्जयसिंह बस्नेतले जानकारी दिए ।

व्यापारीहरु पसल बन्द गरेर सुत्न घर गएको अवस्थामा भएको आगलागीले कुनै पनि सामान बचाउन नसकिएको व्यापारीहरुले बताएका छन् । आगलागीको क्षतिको यकिन हुन नसकेपनि दुई करोडभन्दा बढीको क्षति भएको प्रारम्भिक अनुमान गरिएको छ ।

राजविराजसहित लहानबाट आएको बारुण यन्त्र, स्थानीय बासिन्दा, सशस्त्र, नेपाल प्रहरी र नेपाली सेनाले आगोलाई करिब अढाई घण्टापछि नियन्त्रणमा लिएका थिए ।

श्रवणकुमार देव, सप्तरी

प्रतिकृया दिनुहोस