सोनुको हत्या उनकै श्रीमान ओम प्रसाद श्रेष्ठले गरेको आफन्तको आरोप छ । सोनुकी दिदी निर्मला कुवँरले प्रहरीमा तीन पटक जाहेरी दिदा पनि प्रहरीले अनुसन्धान नगरी अभियुक्तलाई उन्मुक्ति दिन खोजेको आरोप लगाएकी छन् ।

आक्रोशित आफन्तले इलाका प्रहरी कार्यालय रामपुरमा तोडफोड गर्नुका साथै ढुङ्गामुढा समेत गरेका छन् । ७ माघ बिहानैदेखि भएको प्रर्दशनलाई नियन्त्रणमा लिन प्रहरीले ६० राउण्ड हवाईं फायर र २० राउण्ड अश्रुग्यास प्रहार गरेको छ । प्रहरीले चलाएको गोली लागेर रामपुर १ की तारा श्रेष्ठ घाईते भएकी छिन् । उनको दायाँ घुँडामा गोली लागेको छ ।

प्रदर्शन नियन्त्रणबाहिर गई ढुंगा मुढा र आगजनी समेत हुन थालेपछि दिउँसो तीन बजेदेखि रामपुर बजारमा कर्फ्यु आदेश जारी गरिएको जिल्ला प्रशासन कार्यालय पाल्पाले जनाएको छ ।

४ पुसदेखि बेपत्ता सोनुको शव ६ माघ बिहान स्थानीय ज्याग्दीमा पर्ने कालीगण्डकी नदीको किनारमा बोराभित्र फेला परेको थियो । बोरामा पोको पारेर ढुङगा समेत राखी फालिएको अबस्थामा शव फेला परेको प्रहरीले जनाएको छ ।

रामपुरबजार सदरमुकाम तानसेनदेखि ७५ किलोमिटर पूर्वमा पर्दछ ।
देब पचभैया, पाल्पा

प्रतिकृया दिनुहोस