अध्यक्ष दाहालले आफैं सहमतिको प्रधानमन्त्री बन्न सार्वजनिक कार्यक्रम मार्फत प्रस्ताव गरेकोमा आपत्ति जनाउँदै कोइरालाले भने, “यो निर्वाचन हुन नदिने षडयन्त्रमात्रै हो ।”

प्रेस युनियन चितवनले ८ माघमा गरेको पत्रकार सम्मेलनमा बोल्दै सभापति कोइरालाले दाहालको आग्रहबाट आफू अचम्ममा परेको बताए । उनले भने, “पहिले आफैं मलाई (पुष्पकमल दाहाललाई) प्रधानमन्त्री चाहिएको छैन भन्ने अहिले एक्कासी सहमतीय प्रधानमन्त्री बनाउ भन्ने कुरा सुन्दा निर्वाचन नचाहेको भन्ने प्रष्ट छ ।”

सहमति नभए शान्ति सम्झौता च्यातेर विद्रोह गर्ने र अन्तिम धक्का दिने जस्ता दाहालका अभिव्यक्तिले कुनै असर नपार्ने भन्दै कोइरालाले लोकतन्त्र, विधिको शासन र प्रेस स्वतन्त्रता जस्ता आधारभूत सिद्धान्तमा आफूहरू कसैसँग सम्झौता नगर्ने स्पष्ट पारे । उनले आन्दोलनले राष्ट्रपतिलाई पनि गम्भीरताका साथ अघि बढ्न दबाब पुग्ने विश्वास व्यक्त गरेका थिए ।

प्रतिकृया दिनुहोस