विराटनगर विमानस्थलमा देउवालाई स्वागत गर्दै उनका कार्यकर्ता ।

प्रधानमन्त्री भट्टराईले दलहरुसँग छलफल नै नगरी चुनावको घोषणा गरेको र त्यो चुनाव पनि गराउन नसकेको भन्दै नेता देउवाले न्यालायलय, निर्वाचन आयोग जस्ता संवैधानिक निकाय समेत खाली गराई निरंकुश शासन चलाउन खोजेको आरोप लगाए । उनले राष्ट्रहितका लागि वर्तमान सरकारको बहिर्गमन जरुरी रहेकोले विपक्षी दलहरुले आन्दोलन गर्नु परेको दाबी गरे ।

संविधान सभा/व्यवस्थापिका संसद पुनःस्थापना हुन नसक्ने भन्दै देउवाले स्वतन्त्र ब्यक्तिलाई प्रधानमन्त्री बनाउने एमाओवादीको प्रस्ताव पनि मान्न नसकिने बताए । उनले कांग्रेस पार्टी सभापति सुशील कोइरालाकै नेतृत्वमा सहमतिको सरकार गठन गरी छिटो निर्वाचनमा जानु सबैका लागि हितकर हुनेमा जोड दिएका थिए ।
कमल रिमाल, विराटनगर

प्रतिकृया दिनुहोस