जमात–ए–इस्लामी पार्टीका ६४ वर्षीय बरिष्ठ नेता कादिर मुल्लामाथि सन् १९७१ मा बंगलादेश पाकिस्तानबाट स्वतन्त्र हुँदाको आन्दोलनका बेला आमहत्या लगायत मानवता विरोधी अपराधहरुमा संलग्न रहेको आरोप लागेको थियो ।

युद्ध अपराध सम्बन्धी सुनुवाई गर्ने अदालत ‘युद्ध अपराध ट्राइब्युनल’ ले उक्त सजाय सुनाएको हो । यद्दपी यो अदालतलाई संयुक्त राष्ट्रसंघले मान्यता दिएको छैन र देशभित्र पनि विवादास्पद छ । बंगलादेशको स्वतन्त्रता संग्राममा ३० लाख व्यक्ति मारिएको अनुमान छ ।

ट्राइब्युनलमा मुद्दा चलाइएका अभियुक्तहरुमाथि सन् १९७१ मा पाकिस्तानी सैन्य बलसँग मिलेर स्वतन्त्रता आन्दोलनमा बाधा पु¥याएको र युद्ध अपराधमा सहभागी भएको आरोप लगाइएको छ । यसरी मुद्दा चलाइएका १२ अभियुक्तहरुमध्ये धेरै जसो जमात–ए–इस्लामीका सदस्यहरु छन् । यसअघि एकजनालाई मृत्यु दण्डको सजाय सुनाई सकिएको छ ।

जमात–ए–इस्लामीले अदालतको फैसलालाई राजनीति प्रेरित भन्दै विरोध गरेको छ ।

प्रधानमन्त्री शेख हसीनले सन् २०१० मा युद्ध अपराधका अभियुक्तहरुका विरुद्ध मुद्दा चलाउने प्रक्रिया शुरु गरेकी थिइन् ।
एजेन्सीहरु

प्रतिकृया दिनुहोस