दुई सय ४० मन धान नतिरेको भन्दै अपहरण गरिएका कोइलाडी बर्साइन–१ का सूर्यनारायण यादवलाई प्रहरीले मुक्त गराएको छ । बरमझियास्थित सेलर मिलमा कार्यरत ३८ बर्षीय यादवलाई गत २९ माघमा ५ जनाको समूहले बरमझियाबाटै अपहरण गरेको थियो । उनलाई भगवतपुर गाविस १ बाट मुक्त गराइएको प्रहरी उपरीक्षक सञ्जयसिंह बस्नेतले जानकारी दिए ।

यादवलाई सकरपुरा ९ बस्ने रामफल खंगमण्डल, राधेश्याम खंगमण्डल, रामजी खंगमण्डल, गंगा खंगमण्डल समेतका व्यक्ति मिलेर अपहरण गरी भगवतपुर १ स्थित रामजी खंगको घरमा राखिएको थियो ।

प्रहरीले यादवलाई मुक्त गराई रामफल, राधेश्याम, रामजी, गंगालाई नियन्त्रणमा लिएको उपरीक्षक बस्नेतले बताए । घट्नाबारे थप अनुसन्धान भइरहेको प्रहरीले जनाएको छ ।

रामफलसँग सुर्यनारायणले पैंचो लिएको धान नतिरेकाले नै अपहरण भएको देखिएको प्रहरीले जनाएको छ ।
श्रवणकुमार देव, सप्तरी

प्रतिकृया दिनुहोस