‘तराई जनतान्त्रिक पार्टी मधेश’ले उद्योग वाणिज्य संघ नेपालगञ्जको निर्वाचन आफ्नो सहमति बिना गराउने प्रयास भएको भन्दै उम्मेद्वारहरुमाथि भौतिक कार्वाही गर्ने धम्की दिएको छ ।

पार्टी मधेशका अध्यक्ष अर्जुन सिंह भनिने मुकेश चौधरीले ५ फागुनमा ई–मेल मार्फत प्रेस विज्ञप्ति जारी गरी संघको निर्वाचनमा उठेका उम्मेद्वारहरुमाथि यस्तो धम्की दिएका हुन् । उनले सबै उम्मेद्वारसँग चन्दा रकम माग गरेका छन् । अध्यक्ष चौधरीले टेलीफोनमा समेत बताए, “उम्मेद्वारले चुनाव लड्नलाई हाम्रो पार्टीसंग अनुमति लिएनन् र रकम सहयोग गरेनन् भने उम्मेद्वारलाई लाइन लगाएर इन्काउन्टर गर्छु ।”

आगामी १२ फागुनमा हुने नेपालगञ्ज उद्योग वाणिज्य संघको निर्वाचनका लागि समावेशी प्यानल, प्रजातान्त्रिक समूह र समावेशी तथा साझा समूह गरी तीन वटा प्यानल चुनावी प्रचार–प्रसारमा उत्रिएका छन् ।
डी भण्डारी, नेपालगञ्ज

प्रतिकृया दिनुहोस