दुई विद्यार्थी संगठनको आन्दोलनले तालाबन्दी भएको क्याम्पसमा १० फागुन अपरान्ह मुखमा माक्स लगाएका दुई दर्जन युवकले आगजनी गरेका हुन् ।

उनीहरुले स्वतन्त्र विद्यार्थी युनियनको कार्यकक्षमा रहेका फर्निचर, कागजपत्रका लगायतका सामानमा आगो लगाएर भागेको प्रत्यक्षदर्शीहरुले बताएका छन् । उक्त आगो क्याम्पसका कर्मचारी र स्थानीय युवाहरु मिलेर निभाएका थिए ।

क्याम्पसमा आन्दोलन भएपछि आन्दोलनकारी संगठन र स्ववियुको दोहोरी चलेको थियो । अखिल क्रान्तिकारी र नेविसंघले छात्रवृत्तिमा पारदर्शिता, प्रतिस्पर्धामा प्राध्यापक नियुक्ति, क्याम्पस प्रमुख तथा सञ्चालक समितिका पदाधिकारीको राजीनामालगायत ९ बुँदे माग प्रस्तुत गरेका थिए । माग पूरा नभएको भन्दै अनिश्चित तालाबन्दी गरिएपछि स्ववियुले विरोध जनाएको थियो ।

स्वतन्त्र विद्यार्थी मञ्चले पनि बुधबार विज्ञप्ति निकालेर पठनपाठन वातावरण नबनाए आन्दोलनमा जाने चेतावनी दिएको थियो । बिहीबार विहान विद्यार्थीहरुले ताला तोडिदिएपछि अपरान्ह स्ववियु कार्यालयमा आगजनी भएको हो ।

रामशरण पुडासैनी, मकवानपुर

प्रतिकृया दिनुहोस